ఆరు మూడుగట్టి యలమట జెందక
ఆరు మూడుగట్టి యలమట జెందక
పోరి గుణము లడచి పూని మిగుల
తేరు శిఖరమెక్కి తెలివంట జూడర
విశ్వదాభిరామ వినురవేమా.
ఆరు = ఆరు జ్ఞానేంద్రియ రంధ్రములు (రెండు కన్నులు, రెండు ముక్కు రంధ్రములు, రెండు చెవులు).
మూడుగట్టి = మూడింటిగా ఉన్న కర్మేంద్రియ రంధ్రములతో (నోరు, గుదము, గుహ్యము) కలిపి నిరోధించి/బంధించి.
అలమట = విషయముల వల్ల కలిగే వేదన లేదా అశాంతిని.
జెందక = పొందకుండా (మనస్సు విషయములకు అంటకుండా ఉంటూ).
పోరి = విషయములతో పోరాడి/అణచివేసి.
గుణములు = త్రిగుణములను (విషయముల వలన చెలరేగే గుణాలను).
అడచి = అణచివేసి/జయించి.
పూని = పట్టుదలతో/ప్రయత్నించి.
మిగుల = ఎంతగానో.
తేరు = రథము లాంటి ఈ శరీరము యొక్క.
శిఖరమెక్కి = శిరోభాగమును (బ్రహ్మనాడి చివరి భాగమైన సహస్రారమును) చేరుకొని.
తెలివంట = అక్కడి బ్రహ్మజ్ఞానమును/విషయమును గ్రహించే బుద్ధితో.
జూడర = దర్శించి తెలుసుకొనరా!
విశ్వదాభిరామ వినుర వేమా = విశ్వదాభిరామా! వేమా! వినుము.
