health insurence now days

 

ఆధునిక జీవితంలో ఆరోగ్యం అత్యంత విలువైన సంపద. దీన్ని కాపాడుకునేందుకు అందరూ

ప్రయత్నిస్తూనే ఉంటారు. అనుకోని అనారోగ్యం, ప్రమాదం, తీవ్ర వ్యాధులు ఎప్పుడు ఎవరిని

బాధిస్తాయో చెప్పలేం. ఇలాంటి సందర్భాల్లో ఆసుపత్రి ఖర్చుల నుంచి ఆదుకునేవే ఆరోగ్య బీమా

పాలసీలు. ఆసుపత్రి భారీ బిల్లులు చూసినప్పుడు, ఈ బీమా ప్రాముఖ్యత ఏమిటన్నది అర్థం

అవుతుంది. కానీ ఆరోగ్య బీమా ప్రీమియం సామాన్యుడికి అందనంత ఖరీదైనదిగా మారడం,

ఇప్పుడు ఆందోళన కలిగిస్తోంది.

దేశంలో వైద్య ద్రవ్యోల్బణం ఏటా 14-15% ఉంటోంది. దీంతో వైద్య చికిత్స భారం అవుతోంది.

మారుతున్న చికిత్సా విధానాలూ వైద్యాన్ని ఖరీదుగా మారుస్తున్నాయి. దీంతో ఆరోగ్య బీమా

క్లెయింల మొత్తం పెరుగుతోంది. ఈ నేపథ్యంలో పాలసీల ప్రీమియం పెంచడమే మార్గంగా బీమా

కంపెనీలు భావిస్తున్నాయి. ఫలితం.. బీమా తీసుకోవాలనుకున్న సామాన్యులకు ప్రీమియం ఆర్థికంగా

భారమవుతోంది.

ఎందుకు పెరుగుతున్నాయంటే..

ఆరోగ్య బీమా ప్రీమియం ఏటా 15-20% పెరగడం ఆందోళన కలిగిస్తోంది. ఇందుకు కారణాలివీ

పెరిగిన ఆరోగ్య సంరక్షణ ఖర్చులు: చిన్న అనారోగ్యంతో ఆసుపత్రిలో చేరినా, రూ. లక్షల్లో బిల్లు

అవుతోంది. అధునాతన పరికరాలు, చికిత్సా పద్ధతులు, నిపుణుల కొరత ఇందుకు కారణం.

కొవిడ్ -19 పరిణామాల ప్రభావం: కరోనా మహమ్మారి తర్వాత ఆరోగ్య రంగంలో ఎన్నో మార్పులు

వచ్చాయి. బిల్లుల భారం వల్ల ఆరోగ్య బీమా అవసరం తెలిసొచ్చింది. ఆ తర్వాత నుంచి క్లెయింల

సంఖ్యా బాగా పెరిగింది.

నాణ్యమైన వైద్యం: ఒకప్పటితో పోలిస్తే ఇప్పుడు ఆరోగ్య సంరక్షణలో నాణ్యత మరింత మెరుగైంది.

దీనికి అనుగుణంగా వైద్య ఖర్చులు కూడా పెరిగాయి. ఇవన్నీ బీమా సంస్థలపై ప్రభావాన్ని

చూపిస్తున్నాయి. దీంతో అవి తప్పనిసరిగా ప్రీమియం పెంచేందుకే ప్రయత్నిస్తున్నాయి.

సామాన్యుడికే భారం

ఆరోగ్య బీమా ప్రీమియం ఏటా పెరుగుతుండటం.. మధ్య, దిగువ మధ్యతరగతి వారిపై తీవ్ర

ప్రభావాన్ని చూపిస్తోంది.

స్థిరమైన లేదా పరిమిత ఆదాయం ఉన్న వ్యక్తులు కుటుంబీకులందరికీ వర్తించేలా ఆరోగ్య బీమా

పాలసీలు కొనుగోలు చేయడం దాదాపు అసాధ్యంగా మారుతోంది. కొందరు వైద్య బీమా

పాలసీలను పూర్తిగా వదిలేస్తున్నారు. కొందరు ప్రీమియం భారాన్ని మోయలేక, పాలసీ

మొత్తాన్ని తగ్గించుకునే ప్రయత్నం చేస్తున్నారు. తగినంత బీమా రక్షణ లేకుండా ఉండటం

ఇబ్బందికరమే.

కార్యాలయాల్లో ఉద్యోగులకు బృంద ఆరోగ్య బీమా ఉన్నప్పటికీ, సొంతంగా ఒక పాలసీ

తీసుకోవాలని నిపుణులు సూచిస్తుంటారు. దీన్ని చాలామంది పట్టించుకోవడం లేదు.

ఇలాంటివారు ఉద్యోగం కోల్పోయినప్పుడు, బీమా పాలసీ రక్షణకు దూరం అవుతున్నారు.

• ప్రీమియం తగ్గించుకునేందుకు తక్కువ మొత్తంలో పాలసీ తీసుకున్నా.. చికిత్స ఖర్చు

ఎక్కువైతే.. జేబు నుంచి ఆ ఖర్చును భరించడం కష్టమవుతుంది.

• పదవీ విరమణ వయసు దగ్గరకు వస్తున్న కొద్దీ, ఆరోగ్య బీమా ప్రీమియం పెరుగుతూ

ఉంటుంది. ఇలాంటప్పుడు వారి పదవీ విరమణ కోసం చేసే పొదుపుపై ఇది ప్రభావం

చూపిస్తోంది.

టాపప్ చేసుకోండి

ప్రాథమిక పాలసీ రూ.10 లక్షలు తీసుకుని, దానికి రూ.కోటి వరకూ టాపప్ చేయించుకోవచ్చు.

దీనివల్ల ప్రీమియం భారం తక్కువగా ఉంటుంది. ఇప్పుడు కొన్ని పాలసీలు రూ.5 కోట్ల వరకు

సూపర్ టాపప్ అందిస్తున్నాయి. ప్రాథమిక మినహాయింపును బట్టి, ప్రీమియం ఆధారపడి ఉంటుంది.

రూ.10 వేలతోనే రూ. కోటి టాపప్ పాలసీ అందించే బీమా కంపెనీలూ ఉన్నాయి.

ఆరోగ్య అత్యవసర నిధి...

మీకు ఎంత మొత్తానికి ఆరోగ్య బీమా ఉన్నా సరే.. కనీసం రూ.50,000 నుంచి రూ.1 లక్ష వరకూ

ఆరోగ్య అత్యవసర నిధిని అందుబాటులో ఉంచుకోవాలి.

పన్నుల భారమూ తగ్గాలి

ఆరోగ్య బీమా పాలసీ ప్రీమియానికి 18% వస్తు, సేవల పన్ను (జీఎస్టీ) వర్తిస్తోంది. దీన్ని కనీసం

5 శాతానికి తగ్గించాలని అన్ని వర్గాల నుంచీ ప్రభుత్వానికి విన్నపాలు వస్తున్నాయి. జీఎస్టి

తగ్గిస్తే.. పాలసీదారులకు కాస్త ఉపశమనం కలిగించినట్లే.

దంపతులు, ఇద్దరు పిల్లలున్న కుటుంబానికి

2019తో పోలిస్తే ఇప్పుడు ప్రీమియం రేట్లు

ఎలా పెరిగాయంటే.. (పాలసీ మొత్తం

రూ.10లక్షలు అనుకుంటే...)

కుటుంబ పెద్ద

35 ఏళ్లు

40 ఏళ్లు 46 ఏళ్లు

వయసు

2019

రూ.20,500 రూ.23,650

రూ.23,650 రూ.33,568

2025

రూ.28,556

రూ.30,370 రూ.42,010

తగ్గించుకోలేమా?

బీమా పాలసీ పునరుద్ధరణ సమయంలో ఒకటి రెండు బీమా సంస్థల ప్రీమియంను పోల్చి

చూసుకోవాలి. తక్కువ ప్రీమియం ఉన్న బీమా సంస్థకు బదిలీ (పోర్ట్) చేసుకునే అవకాశాన్ని

పరిశీలించాలి.

• పాలసీని చిన్న వయసులోనే తీసుకోవాలి. వయసు పెరుగుతున్న కొద్దీ జీవన శైలి వ్యాధులు

వచ్చే అవకాశం ఉంది. అప్పుడు పాలసీ లభించడం కష్టం కావచ్చు. అధిక ప్రీమియం చెల్లించాల్సి

వస్తుంది.

• ప్రస్తుతం బీమా సంస్థలు రెండు- మూడేళ్లకు ఒకేసారి ప్రీమియం చెల్లించే వెసులుబాటు

అందిస్తున్నాయి. ఇలా చెల్లించినప్పుడు ప్రీమియంలో కొంత రాయితీ లభిస్తుంది. మూడేళ్ల వరకు

ప్రీమియం పెంపు ఇబ్బంది ఉండదు.

• అనుబంధ పాలసీల్లో మీకు ఏవి అవసరం, ఏవి అనవసరం అనేది చూసుకోండి. వీటివల్లా

ప్రీమియం భారం అవుతుంది.

• ఆసుపత్రి బిల్లులో కొంత మీరు భరిస్తారని చెబితే.. బీమా ప్రీమియం తగ్గొచ్చు. ఉదాహరణకు

రూ.50,000 వరకు బిల్లు చెల్లించుకుంటానని చెప్పారనుకోండి. బీమా సంస్థ మొత్తం బిల్లులో

నుంచి రూ.50,000 (డిడక్టబుల్) తగ్గించి, తర్వాత మిగిలిన మొత్తాన్ని ఆసుపత్రికి చెల్లిస్తుంది.

లేదా బిల్లు మొత్తంలో 5-10% సహ చెల్లింపు (కో-పేమెంట్) చేస్తామని చెప్పొచ్చు. 60 ఏళ్లు

దాటిన వారికి అధిక ప్రీమియం ఉంటుంది. ఇలాంటి వారు ఆసుపత్రి బిల్లులో 10% కో-పేమెంట్

ఎంచుకోవచ్చు. ఇలా చేసినప్పుడు ప్రీమియం తగ్గే అవకాశాలు ఉంటాయి.