29. ఆ సొమ్ముతో ఇల్లుకొంటే.. నో ట్యాక్స్.
సెన్సెక్స్ సూచీలు గరిష్ఠ స్థాయికి
చేరాయనీ, మదుపరుల సంపద
కోట్లలో పెరిగిందన్న వార్తలు తరచూ
వింటుంటాం. అలా వచ్చిన సంపద
తోపాటు దానిపై కట్టే పన్ను కూడా
పెరుగుతుంది. అయితే, ఈక్విటీల్లో
కోట్లు వచ్చినా.. చట్టసమ్మతంగా
రూపాయి పన్ను కట్టకుండా లబ్ధి
పొందొచ్చు. ఈక్విటీ, డెట్, బంగారు
ఆభరణాలపై వచ్చిన లాభాలకు
పన్ను దెబ్బలేకుండా వెసులుబాటు
మార్గం ఒకటుంది. అదేంటంటే...
దేశంలో అభివృద్ధి, సంక్షేమం జోడుగా సాగాలంటే సుంకాలు కచ్చితంగా
ఖజానాకు చేరాల్సిందే! దేశ ఆర్థిక వ్యవస్థను ప్రభావితం చేసే అంశాల్లో
పన్నులు ప్రధానమైనవి. వాటిని వసూలు చేయడంలో ప్రభుత్వమూ కొంత కఠి
నంగానే వ్యవహరిస్తుంటుంది. అయితే, అదే ప్రభుత్వం ట్యాక్స్ పేయర్స్కు కొన్ని
వెసులుబాట్లు కల్పించింది. అలాంటిదే 1983లో చేసిన ఆదాయపు పన్ను చట్టం
లోని 54ఎఫ్ ప్రొవిజన్. ఇది ఏం చెబుతుందంటే... ఈక్విటీ, మ్యూచువల్ ఫండ్స్,
డెట్, జువెలరీ మీద వచ్చిన లాభాలతో ఏదైనా ఆస్తి కొనుగోలు చేసినట్లయితే
ఎలాంటి పన్నూ చెల్లించాల్సిన అవసరం ఉండదు. 54ఎఫ్ నియమం మదుపర్లకు
మహదానందాన్ని కలిగించేదే అయినా, కొన్ని షరతులు వర్తిసాయి.
మినహాయింపు ఇలా..
54 ఎఫ్ ప్రొవిజన్ మదుపర్లకు ఎలా వర్తిస్తుందంటే... సుధాకర్ ఈక్విటీలో కోటి రూపాయలు
ఇన్వెస్ట్ చేశాడనుకుందాం. 12శాతం రిటర్న్స్ లెక్కన ఆరేండ్లలో ఆ కోటి రూపాయలు కాస్తా
2 కోట్లు అయింది. మరో ఆరేండ్లకు 4కోట్లకు పెరిగింది. సుధాకర్ ఇన్వెస్ట్ చేసింది.
కోటి వచ్చిన లాభం 3 కోట్లు, చట్టప్రకారం ఈక్విటీ లాభాలపై 12.5 శాతం పన్ను
కట్టాల్సిందే! అంటే 3 కోట్ల లాభానికి గానూ 37.5 లక్షలు ఆదాయ పన్ను చెల్లించాలి.
లాభం మూడింతలు వచ్చినా అందులో 12.5 శాతం పన్ను కట్టడానికి సుధా
కర్కు మనసొప్పలేదు. అప్పుడు అతని సమస్యకు 54ఎఫ్ నియమం పరిష్కారం చూపింది.
దీని ప్రకారం ఈక్విటీ లాభంతోపాటు పెట్టుబడిని కూడా వెనక్కి తీసుకొని, ఆ మొత్తంతో
ఏదైనా ఇల్లు తీసుకున్నట్లయితే ఆదాయపు పన్ను చెల్లించాల్సిన అవసరం ఉండదు. సుధాకర్
అదే చేసాడు. తను పొందిన లాభం 3 కోట్లు, మూల ధనం కోటి కలిపి మొత్తం
4 కోట్లతో ఇల్లు కొన్నాడు. అలా ఆదాయ పన్ను నుంచి మినహాయింపు పొందాడు.
షరతులు వర్తిస్తాయి.
ఇదేదో బాగానే ఉంది సుధాకర్ ఎలా ఈ కుటీలు లాభాలు వచ్చినప్పుడు ఇల్లు కొనేస్తే
ఇన్కమ్ టాక్స్ తప్పించుకోవచ్చు అనుకుంటే పొరపాటే ఈ వెసులుబాటు మొదటి రెండు
ఇండ్లకు మాత్రమే వర్తిస్తుంది వివరంగా చెప్పాలంటే ఎక్కువ ట్రీ లాభాలతో వ్యక్తి మొదటి ఇంటిని
గాని రెండో ఇంటిని గాని తీసుకోవచ్చును అప్పటికే రెండు ఇండ్లున్న వ్యక్తి.. ఈ లాభాలతో మరో
ఇల్లు కొంటానంటే కుదరదు. అలాగే తెలివిగా ఆ లాభాలతో ఇల్లుకొని నాలుగు నెలలు
గడిచిన తర్వాత అమ్మేసి సొమ్ము చేసుకుందామంటే 54ఎఫ్ వర్తించదు. ఈక్విటీ ప్రాఫిట్తో
కొనుగోలు చేసిన ఇంటిని కనీసం మూడేండ్లు అమ్మకూడదు. అప్పుడే పన్ను పోటు ఉండదు.
ఈ క్రమంలో చాలామంది ఈక్విటీ ఇన్వెస్టర్లు వారు జీవితభాగస్వామి పేరు మీద గానీ, పిల్లల
పేరు మీద గానీ ప్రాపర్టీలు కొంటుంటారు. కొందరు ఈక్విటీ పెట్టుబడిని తన పేరుతోపాట
జీవితభాగస్వామి పేరుమీద కూడా పెడుతుంటారు. వచ్చిన లాభాలను క్యాపిటల్ గెయిన్స్
అకౌంట్లో డిపాజిట్ చేసి, దాన్నుంచి కొనుగోలు వ్యవహారాలు నడిపించాల్సి ఉంటుంది.
మొత్తంగా ఆదాయ పన్ను చట్టంలోని 54ఎఫ్ ప్రొవిజన్ ఇన్వెస్టర్లకు వరమైందని చెప్పొచ్చు.
వన్ టైమ్ సెటిల్ మెంట్.
కొందరు ఉద్యోగులకు తరచూ బదిలీలు అవుతుంటాయి. పట్టుమని మూడేండ్లు ఒక ఊర్లో
ఉండరు. అలాంటి వాళ్లు ఇంటి మీద ఇన్వెస్ట్ చేయకుండా.. ఈక్విటీలో గానీ, మ్యూచువల్
ఫండ్స్లో గానీ పెట్టుబడి పెడితే మంచిది. రిటైర్ అయ్యేవరకు ఆ సొత్తు కొండంత పెరుగు
తుంది. పదవీ విరమణ తర్వాత ఎక్కడ సెటిల్ అవుదామని ఫిక్సవుతారో.. ఈక్విటీ లాభాలతో
అక్కడ ఇల్లు తీసుకోవచ్చు. పన్ను తప్పుతుంది. ఇన్నేండ్ల పొదుపునకు ఒక అందమైన
రూపమూ వస్తుంది.
