FP ramprasad 14. ఫైర్ ఎందుకు సార్?

14. ఫైర్ ఎందుకు సార్?

ఫైనాన్షియల్ ఇండిపెండెన్స్ -రిటైర్
ఎర్లీ.. ఈ మాటకు సంక్షిప్త రూపం
ఫైర్. ఆర్థిక స్వేచ్ఛ సాధించాలనుకో
వడం స్వాగతించాల్సిన విషయమే.
జీతం మీద ఆధారపడాల్సిన పన్లే
కుండా.. నెలనెలా మన బ్యాంకు
ఖాతాలో డబ్బు వచ్చి పడేలా పక
డ్బందీగా ఏర్పాట్లు చేసు కోవడం
గొప్ప నిర్ణయమే. కానీ,
సమస్యంతా 'రిటైర్ ఎర్లీ’తోనే!
ఉద్యోగ విరమణ.. చురుకైన జీవితం
నుంచి శాశ్వత విరమణ కాకూడదు.


పాతికేళ్లలోపే కొలువులో చేరతారు. తొలి ఉద్యోగం.. తొలి జీతం నుంచే రిటై
ర్మెంట్ ఫండ్ ఏర్పాటు చేసుకుంటారు. ఇంక్రిమెంట్లు.. ప్రమోషన్లు వచ్చి
నకొద్దీ ఉద్యోగ విరమణ నిధికి కేటాయింపులు పెంచుకుంటారు. నలభై అయిదేళ్లు
నిండగానే.. కెరీర్కు మంగళం పాడేసి.. ప్రపంచాన్ని చుట్టొస్తూనో, పడక్కుర్చీలో
కునుకుతీస్తూనో బతికేయాలని కొందరి ఆలోచన.

ఇక్కడే సమస్య! వైద్య సదుపాయాలు పెరిగాయి. జీవన నాణ్యత పెరిగింది. దీంతోపాటు
జీవన ప్రమాణాలూ పెరిగిపోతున్నాయి. వీటన్నిటివల్లా నలభై అయిదేళ్ల వయసు 'మలి
యవ్వనం' కిందికే వస్తున్నది. అరవై అచ్చమైన 'నడి వయసు'. డెబ్భై దాటితేకానీ 'వృద్ధాప్యం'
మన శరీరంలో ప్రవేశించదు.. పడక కుర్చీ అవసరమూ రాదు. 'తొందరపడి ఒక కోయిల
ముందే కూసిందీ'.. అన్నట్టు రాని వృద్ధాప్యాన్ని కొనితెచ్చుకోవడం ఎందుకు? ఏ రోజుకు
ఆరోజు, ఏ వారానికి ఆ వారం, ఏ నెలకు ఆ నెల.. ఏదో ఓ లక్ష్యం సవాలు విసురుతున్నప్పుడే
మెదడు చురుగ్గా ఉంటుంది. ఆలోచనలు ఉత్తేజాన్ని పొందుతాయి. ఆ సవాళ్లకు తగినట్టు
శరీరమూ సర్వసన్నద్ధం అవుతుంది. మళ్లీ పడుకోడానికే నిద్రలేస్తూ, అరిగించుకోడానికి
ఆహారం తింటూ, గడియారం వైపు చూస్తూ కాలాన్ని కరిగించుకుంటూ.. బతికే బతుకూ ఓ
బతుకేనా? ఆ శ్రమలేని జీవితంతో శరీరం సర్వీసింగ్కు వచ్చేస్తుంది.

కాళీ బుర్ర దయ్యాల కార్ఖానా అనే మాట ఎలా ఉన్నా.. ఖాళీ మనిషి మాత్రం అనారోగ్యాల
పుట్టే! కాబట్టి, మీకు మీరు రిటైర్మెంట్ ఇచ్చుకోవద్దు. అవసరమైతే చట్టబద్ధమైన రిటైర్మెంట్
తర్వాత కూడా మీ అనుభవాన్ని, నైపుణ్యాన్ని సద్వినియోగం చేసుకోండి. సమాజం కోసమూ
కొంత కేటాయించండి. ఆత్మసంతృప్తిని మించిన ఆనందం ఉండదు. దీనివల్ల శరీరంలో
పాజిటివ్ హార్మోన్ల ఊట పెరుగుతుంది.

అలా అయితే ఓకే..

రిలాక్సేషన్, రిటైర్మెంట్ కో కాకుండా.. అటకెక్కిన ఆశల్ని బతికించుకోడానికి, అర్ధంతరంగా
ఆగిపోయిన కలల్ని నిజం చేసుకోడానికి.. ఫైర్ ఓ మంచి అవకాశం. ఆర్థిక సమస్యల కార
ణంగా బాధ్యతల బరువు వల్ల పేరు పక్కన ఎంబీయే అనే మూడక్షరాల్ని చూడలేకపోయిన
వెలితిని ఇప్పుడు పూడ్చుకోవచ్చు. పాతికేళ్ల వయసులో పెట్టుబడికి పైసల్లేక వ్యాపార ఆలోచన 
లకు నీళ్లు వదులుకుని ఉంటే.. స్టార్టప్ ఆలోచనకు 'స్టాండ్ అప్' చెప్పవచ్చు. అంకుర సంస్థకు 
ప్రాణం పోయవచ్చు. నటన, రచన, సంగీతం.. ఇలా నచ్చిన అభిరుచికి ఓటేయవచ్చు.
సౌందర్య వ్యాపార దిగ్గజం నైకా వ్యవస్థాపకురాలు ఫల్గుణి నాయర్ యాభై ఏళ్ల వయసులో
ఆంత్రప్రెన్యూర్షిప్ వైపు అడుగేశారు. కాకపోతే, ఓ వయసు తర్వాత ఓ కొత్త వ్యాపారం
ప్రారంభిస్తున్నపుడు.. ఒకటికి పదిసార్లు ఆలోచించాలి. మలిసంధ్యలో రిస్క్ తట్టుకునే
సామర్థ్యం తక్కువగా ఉంటుంది. మళ్లీ సున్నా నుంచి జీవితాన్ని ఆరంభించడం దాదాపుగా
అసాధ్యం. కాబట్టి 'ప్లే సేఫ్' ఫార్ములా అనుసరించాలి. రిటైర్మెంట్ నిధి జోలికి వెళ్లకుండా.. ఇత
రత్రా సేవింగ్స్్స్న పెట్టుబడిగా పెట్టాలి. ఆ స్థాయిలో నిధులు సమకూరిన తర్వాతే.. ఫైర్ దిశగా
అడుగులేయాలి.

ఫైర్ అయ్యాక..

ముందస్తు పదవీ విరమణ తర్వాత.. కొన్నాళ్లు రిలాక్స్ ఉండాలి. ఆ తర్వాత అప్పటికే
తమకు అనుభవం ఉన్న రంగాన్ని ఎంచుకొని సెకండ్ ఇన్నింగ్స్ మొదలుపెట్టాలి. లాభాల
వెంట పడకుండా ఆనందాన్ని ఆస్వాదించడానికే పనిచేయాలి. కొన్ని కలలు దూరపుకొండలు.
దిగాకే లోతు తెలుస్తుంది. అధిరోహించడం ఆరంభించాకే పరిమితులు అర్థం అవుతాయి. ఆ
పరిస్థితే వస్తే అక్కడితో పరుగు ఆపడం మేలు. దారి మార్చుకోవడం ఉత్తమం. ఫైర్.. మనకు
దారిచూపే కాగడా కావాలే కానీ, మన బతుకులో నిప్పులు పోయకూడదు. సుదూర భవిష్య
త్తులో మనం కోరుకున్న జీవితాన్ని గడపడం కోసం.. వర్తమానాన్ని వృథా చేసుకోకూడదు.
సంపాదనలో సింహభాగం.. ఎర్లీ రిటైర్మెంట్ పెట్టుబడులకు కేటాయించి.. మొక్కుబడిగా బతికి
యకూడదు. నేడు నిజం. రేపు అనూహ్యం. ఈ క్షణం అనుభవించాల్సిన ఆనందాల్ని అనుభ
వించాల్సిందే. ఇల్లు, కారు, పిల్లల చదువులు, టూర్లు.. ఏ విషయంలోనూ రాజీ వద్దు.



పులిని చూసి.. వాతలొద్దు. 

రియల్ రంగంలో చాలామంది భారీగా పెట్టుబడులు పెడుతుంటారు.
కానీ, స్థలాలను కాపాడుకోవడం కత్తిమీద సాములాంటింది. ప్రైమ్ ఏరి
యాలో మంచి స్థలం ఉందంటే.. పది మంది కండ్లూ దానిమీదే ఉంటు
న్నాయి. ప్రతి పది ఓపెన్ హార్ట్ సర్జరీలో రెండు కేసులు ఆస్తి తగాదాలు,
ల్యాండ్ ఇష్యూల వల్లే అన్నది నిష్ఠుర సత్యం. మరోవైపు చాలామంది ఎన్
ఆర్ఎలు, భారీ వేతనాలు అందుకునే ఉద్యోగులు పెద్ద మొత్తం స్థలాలపై
కుమ్మరించారు. పదేండ్లు తిరిగేసరికి ఆ భూముల ధరలకు రెక్కలు
వచ్చాయి. ఊహించని ధరకు అమ్ముకున్నా.. ఎవరూ ప్యూర్ వైట్ మనీ
ఇవ్వలేదు. ఆ వచ్చిన లిక్విడ్ క్యాషు అకౌంట్లో చూపించడం ఎవరి
తరం కాదు! దీనికి పరిష్కారంగా చాలామంది డెయిరీ ఫామ్ ఏర్పాటు
చేసి, ఈ మొత్తాన్ని అటు తిప్పుతున్నారు. ఇటీవల డెయిరీలు
విపరీతంగా వెలుస్తుండటం వెనుక అసలు కారణమిదే! ఇప్పుడున్న పరిస్థి
తుల్లో డెయిరీ ఫామ్ నిర్వహణ అనుకున్నంత తేలికైనది కాదు. వాళ్లంటే
భూముల మీద వచ్చిన లాభాలను ఇందులో కుమ్మరిస్తున్నారు.
మూడేండ్లు అన్నీ సలక్షణంగా సాగితే.. డెయిరీలో బ్రేక్ ఈవెన్
అవుతుంది. ఆ తర్వాతే లాభాల స్వీకరణకు అవకాశం ఉంటుంది. ఇంత
వరకు బాగానే ఉంది! కానీ, చాలామంది సాఫ్ట్వేర్ ఉద్యోగులు డెయిరీఫా
మన్ను కామధేనువుగా భావించి ఉద్యోగాన్ని వదిలి మరీ ఈ రంగంలోకి
వస్తున్నారు. ఉద్యోగంలో సంపాదించినదంతా ఇక్కడ ఇన్వెస్ట్ చేస్తున్నారు.
బ్యాంకులో అప్పు తీసుకొచ్చి మరీ ఫామ్ ఏర్పాటు చేస్తున్నారు. దిగితే గానీ
లోతు తెలియదు అన్నట్టుగా ఉంది చాలామంది పరిస్థితి.
డెయిరీలో సక్సెస్ నిష్పత్తి పది శాతం లోపే ఉండటం గమనార్హం!


ఆస్తిలో 'రియల్' వాటా..

ముఖ్యంగా భూములపై ఇబ్బడిముబ్బడిగా పెట్టుబడి పెట్టి ఆశించిన
లాభాలు రాక కొందరు, అవసరానికి ఆ స్థలం పనికిరాక ఇంకొందరు 'రి
యల్' కష్టాల పాలవుతున్నారు. అలాగని భూములు, ప్లాట్లు కొనుగోలు
చేయడం తప్పని చెప్పడం కాదు! మీ ఆస్తిలో 'రియల్' వాటా ఎంత
ఉండాలన్నది ముఖ్యం. ఒక వ్యక్తి నికర ఆస్తిలో యాభై శాతం కన్నా
ఎక్కువ మొత్తం రియల్ ఎస్టేట్లో ఇన్వెస్ట్ చేసి ఉంటే తప్పులో కాలేసినట్టే!
రియల్ రంగంలో కోట్లు కుమ్మరించి అవసరానికి అమ్ముకోక ఎందరో
తమ దురదృష్టాన్ని తిట్టుకుంటున్నారు. ఆస్తులు సంపాదించడం కన్నా.. ఏ
రూపంలో కూటబెట్టామన్నది చాలాముఖ్యం. రియల్ ఎస్టేట్ లోనే నాలు
గైదు రకాలుగా ఇన్వెస్ట్ చేయొచ్చు. ఓపెన్ ప్లాట్, పొలాలు, ఇండిపెండెంట్
ఇల్లు, అపార్ట్మెంట్ ఫ్లాట్, కమర్షియల్ స్పేస్ ఇలా ఇన్ని ఆప్షన్స్ ఉన్నాయి.
కానీ, చాలామంది స్థలాలు కొనుగోలు చేయడమే నిజమైన పెట్టుబడిగా
నమ్ముతారు. అక్కడైతేనే దండిగా లాభాలు వస్తాయని భ్రమలో ఉంటారు.
కానీ, రియల్ మార్కెట్ ఎప్పుడు కుదేలు అవుతుందో అస్సలు అంచనా
వేయలేం. ఒకవేళ మార్కెట్ స్థిరంగా ఉన్నా రిటర్న్ శాతం గరిష్ఠంగా 12
దాటదని రియల్ గణాంకాలు చెబుతున్నాయి.